من الكتاب
دى المقدمه بس هناك من الرجالة من يعتقد إن الستات دول كائنات فضائية
هبطت على الارض من كوكب تاني غلط فى يوم مطلعتلهوش شمس ..
وهناك من الستات اللى بيعتقدن إن الرجالة دول كائنات هلامية لابد أن تخضع للفحص الميكروسكوبي الحريمي ..
وما بين النظرتين يتعامل الجنسان بعضهم مع بعض ..
وكل طرف نفسه يفهم إيه اللى فى دماغ التاني ..
يعنى كيف يفكرالرجل فى المرأة وكيف تفكر المرأة فى الرجل ؟! ..
وايه اللى بيعجب كل منهما فى الاخر
فكل طرف نفسه يرى بعيون الاخر علشان يعرف ما يعجز ان يراه بعيونه هو
وكلنا قد شعرنا فى فترة من الفترات بالاحساس ده ..
وربما كان الاحساس ده يمثل لنا واحنا صغيرين لغز اصعب وقتها على عقولنا الصغيرة
من معادلة رياضية من مجهول واحد ..
ولكن مع مرور الوقت ومع النضج بدات الامور فى الوضوح رويدا رويدا
مع خبرة التعامل مع الجنس الاخر ..
لذلك انا اقول
-ومن المنطلق الذكورى-
إنه كذاب من يدعي انه فاهم الستات بنسبة 100% .. فالستات يا جماعة تحمل نفسية مركبة ومعقدة - موش
شتيمة دى ع فكرة- وتخلى الراجل يشد فى شعره وممكن تأتي بتصرفات غير
متوقعة إطلاقا لأن المحرك الاساسي لها هو العاطفة وبالتالى صعب تتوقع ردود
افعالهم ..فخلى بالك باه يا باشا أوعي تزعلهم لانك ساعتها موش حتعرف الضربة
جاية منين ..
وعليه يجب ان تتعامل مع المراة متقبلا كل
( حركاتها ) و(إفتكاستها) و( غرورها)
أما إنتي عزيزتي المرأة فإحنا طبعا الرجالة واثقين من قدراتك
جيدا وانك ممكن
تحطي اطخن شنب فى جيبك الصغنون
( ع فكرة دول الرجالة العويلة )
علشان كده نقف على عتباتك راجيا أن تتعالى بغرورك على مهيسة الرجل
ولا نقصد بمهيسة الرجل اللعب بديلة فانا واثق إن جنابك علطول حتقطعيهوله
بدون مناقشة ولكن أقصد التعالى على الحركات القرعة اللى بنعملها نحن الرجاله
وانتى فاهماها وبتعديها بمزاجك زى مثلا
( إعتبرينى زى اخوكي) و
( حبيتك من قبل ما أشوفك )
وتذكري ان احنا كمان يا رجالة بنفوت لك حركاتك اللى هى طبعا مفقوسة
لنا تماما زى
( بكرهك) واللى معناها ( بحبك با مضروب ) وزى
( موش عايزة اشوف وشك) واللى معناها ( وحشتنى يخرب بيتك ) .
دى بهاريز بس الكتاب فيه بلاوى
0 التعليقات:
إرسال تعليق